हिमंता बिस्वा सरमा यांच्या वक्तव्याचा तीव्र निषेध
पुणे । राईट अँगल
भारतीय जनता पक्षाचे आसामचे मुख्यमंत्री हिमंता बिस्वा सरमा यांनी काँग्रेस अध्यक्ष मल्लिकार्जुन खर्गे यांच्याविषयी केलेल्या अत्यंत अपमानजनक व असंवेदनशील वक्तव्याच्या निषेधार्थ महाराष्ट्र प्रदेश युवक काँग्रेस व पुणे शहर युवक काँग्रेसच्या वतीने आज स्वारगेट चौक येथे तीव्र आंदोलन करण्यात आले.
या आंदोलनामध्ये युवक काँग्रेसच्या कार्यकर्त्यांनी मोठ्या संख्येने सहभाग नोंदवत “संविधान बचाव”, “अशा जोरदार घोषणा दिल्या. आंदोलनादरम्यान हिमंता बिस्वा सरमा यांच्या वक्तव्याचा निषेध म्हणून प्रतीकात्मक “जोडे मारो” आंदोलन करण्यात आले तसेच त्यांच्या पुतळ्याचे दहन करण्याचा प्रयत्न करण्यात आला.
या वेळी परिस्थिती तणावपूर्ण बनल्याने पोलिस प्रशासनाने तात्काळ हस्तक्षेप करत प्रतिबंधात्मक कारवाई केली आणि आंदोलनात सहभागी झालेल्या युवक काँग्रेसच्या पदाधिकाऱ्यांना व कार्यकर्त्यांना ताब्यात घेतले.
युवक काँग्रेसच्या वतीने स्पष्ट करण्यात आले की, हिमंता बिस्वा सरमा यांनी केलेले वक्तव्य हे केवळ एका व्यक्तीवर केलेला अपमान नसून संपूर्ण एका समाजाच्या स्वाभिमानावर झालेला थेट आघात आहे. भाजप व आरएसएसच्या मनुवादी आणि प्रतिगामी विचारसरणीचे हे जिवंत उदाहरण असून अशा वक्तव्यांमुळे समाजात द्वेष आणि विषमता पसरवण्याचा प्रयत्न केला जात आहे.
तसेच, अखिल भारतीय काँग्रेसचे प्रवक्ते पवन खेडा यांना बेकायदेशीररीत्या राज्याबाहेर नेऊन अटक करण्याचा प्रयत्न हा लोकशाही मूल्यांवर गंभीर आघात असून, विरोधकांचा आवाज दडपण्याचा हा प्रकार असल्याचेही युवक काँग्रेसने नमूद केले.
युवक काँग्रेसने इशारा दिला आहे की, दलित समाजाचा अपमान आणि लोकशाहीविरोधी कृत्ये सहन केली जाणार नाहीत. अशा घटनांविरोधात आंदोलन अधिक तीव्र करण्यात येईल.
देशातील सर्वात जेष्ठ दलित नेत्याच्या बद्दल भाजपा मुख्यमंत्री हेमंता बिस्वसरमा यांनी केलेली टिप्पणी ही भाजपा संस्कृती दाखवते, मुख्य भ्रष्टाचाराच्या विषयाला बगल देत दुर्लक्षित करण्याचा प्रयत्न केला आहे असा सवाल यावेळी पुणे शहर युवक काँग्रेसचे अध्यक्ष मा सौरभ अमराळे यांनी केला.
यावेळी महाराष्ट्र प्रदेश युवक काँग्रेसचे उपाध्यक्ष प्रथमेश अबनावे, पुणे शहर युवक काँग्रेसचे अध्यक्ष सौरभ अमराळे, प्रदेश महासचिव महेश म्हेत्रे, प्रदेश महासचिव दिलीपसिंह देशमुख, भूषण रानभरे, प्रदेश सचिव निखिल मलके,विश्वजित जाधव, प्रदिप मेहकरे, अविनाश साळुंखे, अर्थव सोनार, पुणे शहर युवक काँग्रेस अभिजित चव्हाण उपाध्यक्ष सद्दाम शेख, कुणाल काळे, पर्वती विधानसभा मतदारसंघ अध्यक्ष पुष्कर आबनावे, शिवाजीनगर विधानसभा युवक काँग्रेस अध्यक्ष विक्रांत धोत्रे, रेहान बाबुर्डे, हर्षद हांडे, यश कोलते पाटील, सागर धावडे, विशाल कामेकर, पुणे जिल्हा युवक काँग्रेस सचिव भूषण पाटोदकर व पदाधिकारी मोठ्या संख्येने उपस्थित होते.
———————-
प्रदीप लोखंडे, संपादक, राईट अँगल
संपर्क क्रमांक : 7350266967
