शहराच्या विकासासाठी महत्त्वाच्या मानल्या जाणाऱ्या पालिकेच्या सभांचा आता ‘रेकॉर्ड ब्रेकिंग’ ट्रेंड सुरू झाला असल्याचे चित्र तासगावात पाहायला मिळत आहे. यावेळी विद्यमान सत्ताधाऱ्यांनी तर माजी नगरसेवकांचाही विक्रम मोडत, अवघ्या एक मिनिटात सभा गुंडाळून नवा ‘रेकॉर्ड’ आपल्या नावावर केला आहे.
आरफळ सिंचन योजनेच्या प्रकल्पग्रस्त शेतकऱ्यांसाठी दीर्घ प्रतीक्षेचा अंत झाला आहे. आमदार रोहित पाटील यांच्या प्रभावी पाठपुराव्यामुळे शेतकऱ्यांना २०२६ च्या अद्ययावत सरकारी दरानुसार भरघोस भूसंपादन मोबदला मिळण्याचा मार्ग मोकळा झाला आहे.
तासगाव तालुक्याच्या सिंचन प्रश्नावरून माजी खासदार संजयकाका पाटील (Sanjay Patil ) यांनी विद्यमान लोकप्रतिनिधींवर जोरदार हल्लाबोल केला आहे. तालुक्यातील शेतकरी पाण्यासाठी हवालदिल झाला असताना, लोकप्रतिनिधी मात्र या गंभीर प्रश्नाकडे दुर्लक्ष करत असून केवळ सोशल मीडियाच्या माध्यमातून पाणी येत असल्याचे पोकळ दावे करत आहेत,असा थेट आरोप संजयकाका पाटील यांनी आज सिंचन विभागाच्या कार्यालयासमोर आयोजित ठिय्या आंदोलनादरम्यान केला. तालुक्याला हक्काचे पाणी मिळवून देण्यात विद्यमान यंत्रणा आणि लोकप्रतिनिधी पूर्णपणे अपयशी ठरल्याचे चित्र सध्या दिसत असल्याचे त्यांनी यावेळी निक्षून सांगितले.
