पिंपरी । राईट अँगल
पिंपरी चिंचवड महापालिकेच्या उपमहापौर शर्मिला बाबर (Mayor Sharmila Babar) यांनी आज पिंपरी येथील यशवंतराव चव्हाण मेमोरियल ( Yashwantrao Chavan Memorial Hospital) रुग्णालयाला भेट देत रुग्णालयातील विविध विभागांची पाहणी केली. यावेळी यशवंतराव चव्हाण स्मृती रुग्णालयाचे अधिष्ठाता डॉ. राजेंद्र वाबळे (doctor rajendra wable) यांनी संपूर्ण रुग्णालयाचा सविस्तर आढावा उपमहापौर यांना दिला.
यावेळी उपमहापौर बाबर यांनी रुग्णांशी प्रत्यक्ष संवाद साधून त्यांची प्रकृती, सुरू असलेले उपचार तसेच रुग्णालयात मिळणाऱ्या आरोग्य सेवांबाबत माहिती घेतली. रुग्णांना दिल्या जाणाऱ्या सेवा, उपचारांची गुणवत्ता आणि विविध विभागांतील कामकाजाची पद्धत याचीही त्यांनी पाहणी केली.
रुग्णालयातील ओपीडी, आपत्कालीन सेवा, तसेच इतर महत्त्वाच्या विभागांतील उपलब्ध वैद्यकीय सुविधा आणि रुग्णांना दिल्या जाणाऱ्या सेवांचा सविस्तर आढावा घेण्यात आला. नागरिकांना अधिक दर्जेदार, तत्पर आणि सुलभ आरोग्य सेवा उपलब्ध व्हाव्यात यासाठी आवश्यक असलेल्या उपाययोजनांबाबत यावेळी चर्चा करण्यात आली.
तसेच रुग्णालयातील विविध विभागांच्या अधिकाऱ्यांशी संवाद साधत सेवा अधिक सक्षम करण्यासाठी आवश्यक सुधारणा, उपलब्ध सुविधांचा विस्तार तसेच रुग्णालयासमोरील अडचणी आणि त्यावर करावयाच्या उपाययोजनांबाबतही सविस्तर चर्चा करण्यात आली.
यावेळी वैद्यकीय अधीक्षक डॉ. राजेंद्र वाबळे तसेच वायसीएम रुग्णालयातील इतर वैद्यकीय अधिकारी आणि कर्मचारी उपस्थित होते.
…………………….
बातमीसाठी संपर्क. : 7350266967
प्रतिक्रिया व्यक्त करा