तासगाव-कवठेमहांकाळ मध्ये दुष्काळसदृश परिस्थिती जाहीर करून तातडीने उपाययोजना करा
तासगाव-कवठेमहांकाळ विधानसभा मतदारसंघातील तासगाव व कवठेमहांकाळ तालुक्यांमध्ये यंदाच्या पावसाळ्यात अपेक्षित व सरासरीच्या तुलनेत अत्यल्प पाऊस झाल्याने गंभीर परिस्थिती निर्माण झाली आहे. पावसाअभावी भूजल पातळी खालावली असून विहिरी, कूपनलिका व अन्य जलस्रोतांची पाणीपातळी कमी झाली आहे. त्यामुळे पिण्याचे पाणी, शेती, पशुधन आणि बागायती पिकांवर परिणाम होण्याची शक्यता आहे.