कोट्यवधींचा खर्च ; छत्रपती संभाजी महाराज पुतळा प्रकल्प अपूर्ण
पिंपरी-चिंचवड शहरात मोशी येथे उभारण्यात येत असलेल्या १०० फूट उंच छत्रपती संभाजी महाराजांच्या पुतळा प्रकल्पावर गेल्या काही वर्षांत मोठ्या प्रमाणात निधी खर्च झाला आहे. मात्र, कोट्यवधी रुपयांचा खर्च होऊनही प्रकल्प अद्याप पूर्णत्वास गेलेला नाही. दरम्यान, उर्वरित कामांसाठी सुमारे ५० कोटी रुपयांच्या दोन नव्या निविदा काढण्याचा प्रस्ताव सत्ताधाऱ्यांकडून पुढे आल्याची चर्चा आहे. या निर्णयावर विरोधकांनी आक्षेप घेतल्यानंतर निविदांचा प्रस्ताव तात्पुरता स्थगित करण्यात आला आहे. त्यामुळे पुतळा प्रकल्पातील खर्च आणि कामाच्या गतीवर प्रश्नचिन्ह निर्माण झाले आहे.
