Right Angle

तासगाव तालुक्यातील खुजगाव येथे शाळेच्या नवीन खोल्यांच्या इमारत बांधकामाच्या भूमिपूजन कार्यक्रमाला चक्क राजकीय रंग चढला. माजी खासदार संजय काका पाटील यांनी आमदार रोहित पाटील यांचे नाव न घेता त्यांच्या कार्यपद्धतीवर जोरदार हल्लाबोल केला. जिल्हा परिषद सदस्याने आणलेल्या शाळेच्या खोल्यांचे श्रेय घेण्याचा प्रयत्न केला जात असल्याचा आरोप करीत ‘हापापलेली भिकारी प्रवृत्ती’ असा उल्लेख करत अशी कृती पुन्हा केल्यास ‘जशास तसे उत्तर देऊ,’ असा थेट इशाराही दिला.

राज्यभरात अन्न व औषध प्रशासन अर्थात FDA ने गुटखा बंदीसाठी कडक कारवाई सुरू असताना, सांगली जिल्ह्यातील तासगाव शहरात मात्र बंदी असलेला गुटखा अगदी ‘होम डिलिव्हरी’ सह राजरोसपणे विकला जात असल्याचे धक्कादायक वास्तव समोर आले आहे. गेल्या महिन्यात काही काळ गायब झालेला गुटखा आता पुन्हा उघडपणे विक्रीला आल्याने सामान्य नागरिकांमधून संताप व्यक्त होत आहे.

ऑस्ट्रेलिया : ऑस्ट्रेलियातील सर्वोच्च शिखर माऊंट कोसिअस्कोवर 360 एक्स्पलोररचे संस्थापक एव्हरेस्टवीर आनंद बनसोडे याच्यासोबत इतर 3 गिर्यारोहकांनी यशस्वी चढाई करत भारताचा 80 वा स्वातंत्र्यदिन साजरा केला आहे.

मुंबई : अनुसूचित जाती-जमाती अत्याचार प्रतिबंधक कायदा अर्थात ॲट्रॉसिटी ॲक्टअंतर्गत दाखल प्रकरणांचा जलदगतीने निपटारा करण्यासाठी महाराष्ट्रात पाच अनन्य विशेष न्यायालये (Exclusive Special Courts) स्थापन करण्याचा शासन निर्णय राज्याच्या विधी व न्याय विभागाने ६ ऑगस्ट २०२६ रोजी जारी केला आहे. अहमदनगर (अहिल्यानगर), परभणी, सोलापूर, नांदेड आणि यवतमाळ या पाच जिल्ह्यांमध्ये प्रत्येकी एक विशेष न्यायालय स्थापन करण्यात येणार आहे.

आदिवासी दिनाच्या दुसऱ्याच दिवशी गडचिरोली जिल्ह्यातून काळीज पिळवटून टाकणारी घटना समोर आली आहे. धानोरा तालुक्यातील जपतलाई आश्रमशाळेत सर्पदंश झाल्याने तीन विद्यार्थिनींचा मृत्यू झाल्याची माहिती समोर आली आहे.

दिनांक ७ ऑगस्ट २०२६ रोजी मौजे. आसानेवाडी च्या सामूहिक वनहक्क मान्यता प्राप्त वनक्षेत्र कंपा. नं. ६३३/६३४ मध्ये वनमोहात्सव २०२६-२०२७ कालावधीत वनीकरणाचे ध्येय गाठणे, वनच्छादित क्षेत्र वाढवणे, वनसंपत्तीचे शाश्वत व समसमान व्यवस्थापन करण्याच्या अनुषंगाने बजाज इलेक्ट्रिकल फाउंडेशन, सामूहिक वनव्यवस्थापन समिती, आसानेवाडी व वातावरण फाउंडेशन यांच्या संयुक्त विद्यमाने स्थानिक प्रजातींच्या रोपांची लागवड करण्यात आली. २०२३ ते २०२५ या कालावधीत सामूहिक वनव्यस्थापन समिती, आसनेवाडी च्या वतीने स्थानिक प्रजातींच्या ३२२० इतक्या रोपांची जवळपास ८ हेक्टर इतक्या वनक्षेत्रावर वृक्षलागवड करण्यात आली होती.

रायगड जिल्ह्यात पत्रकार भवन उभारण्याच्या मागणीला महसूल मंत्री चंद्रशेखर बावनकुळे यांचा सकारात्मक प्रतिसाद. राईट अँगल मराठीचे प्रतिनिधी धम्मशील सावंत यांच्या मागणीनंतर जिल्हाधिकाऱ्यांना प्रस्ताव सादर करण्याच्या सूचना. रायगडच्या पत्रकारांसाठी ऐतिहासिक पाऊल.

नागपुरातील शिष्यवृत्ती वितरण कार्यक्रमात नागालँडचे अतिरिक्त पोलिस महासंचालक संदीप तामगाडगे यांनी आपण सिकलसेलचे वाहक असल्याचे जाहीरपणे सांगितले.
सिकलसेलवरील मौन तोडण्याचे आवाहन करत त्यांनी लग्नापूर्वी रक्ततपासणी आणि योग्य वैद्यकीय समुपदेशनाची गरज अधोरेखित केली.
कार्यक्रमात सिकलसेलग्रस्त विद्यार्थ्यांना ‘अथर्व शैक्षणिक शिष्यवृत्ती’ देण्यात आली.
तुकाराम मुंढे यांनीही विद्यार्थ्यांना मोबाईलचा सुज्ञ वापर आणि माहितीची पडताळणी करण्याचा सल्ला दिला.